Qyzylordada tótenshe jaǵdaı kezinde balabaqsha ujymy týǵan kún keshin uıymdastyrǵan
NUR-SULTAN. QazAqparat - Qyzylordada tótenshe jaǵdaı kezinde balabaqsha ujymy týǵan kún keshin uıymdastyrǵan, dep habarlaıdy Polisia.kz.
Qoǵamdyq tártip pen azamattardyń qaýipsizdigin tıisti deńgeıde qamtamasyz etý maqsatynda júrgizilip jatqan qatań sharalarǵa qaramastan tótenshe jaǵdaı rejımin buzý derekteri oryn alýda.
14 sáýir kúni saǵat 11:30 shamasynda Syrdarııa aýdany Aqjarma aýylynda balabaqsha meńgerýshisi ujymyn senbilikke shaqyrǵan. Senbilik barysynda balabaqsha ujymy qyzmetkerleriniń biriniń týylǵan kúnin atap ótpek bolady. Balabaqshanyń 15 qyzmetkeri dastarhan jaıyp, kesh uıymdastyrady.
Tótenshe jaǵdaı kezinde eskertýlerge qulaq aspaǵan balabaqshanyń 15 qyzmetkerine qatysty QR Ákimshilik quqyq buzýshylyqtar týraly kodeksiniń 476-babynyń 6-bóligi boıynsha (Tótenshe jaǵdaı rejımin buzý – karantın jáne basqa da mindetti sanıtarııalyq-epıdemııaǵa qarsy is-sharalardy ótkizý) ákimshilik hattama toltyrylyp, tıisti sheshim qabyldaý úshin jınaqtalǵan qujattar sotqa joldandy.
