Qyzylordada tótenshe jaǵdaı kezinde 308 quqyq buzýshylyq anyqtaldy
Óńirde tótenshe jaǵdaı rejımin buzdy degen aıyppen 220 azamatqa QR Ákimshilik quqyq buzýshylyq týraly kodeksiniń 476-babymen ákimshilik hattamalar toltyryldy. Sot sheshimimen onyń 7-ne eskertý berilse, 37-ne aıyppul salyndy, 136-y ákimshilik qamaqqa alyndy.
Al QR beıbit jınalystardy uıymdastyrý jáne ótkizý tártibi týraly zańnamasyn buzǵany úshin atalǵan kodekstiń 488-baby boıynsha 88 azamat anyqtaldy. Bul boıynsha sot sheshimimen 1-ne eskertý, 3 aıyppýl, 72 ákimshilik qamaqqa alý túrindegi tártiptik jaza qarastyrylǵan.
«Oblys turǵandaryna aıtarymyz, jalǵan aqparattardy taratý derekterin anyqtaý úshin kún saıyn áleýmettik jelilerge monıtorıng júrgiziledi. Arandatýshylardy anyqtaý jumystary turaqty nazarda. Tótenshe jaǵdaı rejımi kezindegi talaptardyń saqtalýyn qadaǵalaý maqsatyndaǵy jumystar jalǵasýda», - dep málim etti Qyzylorda oblystyq polıtsııa departamentinen.
Eske salsaq, budan buryn Qyzylordada áskerı júk kóligimen nysandardy qıratqan adam ustaldy.
