Qyzylordada tótenshe jaǵdaı departamenti qarttar men múgedekterge qurmet kórsetti
QYZYLORDA. 5 shilde. QazAqparat - Qyzylordada oblystyq Tótenshe jaǵdaılar departamentiniń qyzmetkerleri Astana kúni qarsańynda Qarttar men múgedekter úıinde bolyp, ondaǵy turǵyndardy merekemen quttyqtady.
Kezdesýge kelgender atynan sóz alǵan «ÓSjAQJQ» MM-niń bastyǵy polkovnık Á.Kókeev: «Úlkenniń ulaǵaty biz úshin mańyzdy. Qarııalardy qurmetteý - árbir azamattyń paryzy. Sizderge merekede zor densaýlyqta jáne amanshylyqta bolýlaryńyzǵa tilektespiz», - dedi. Shara sońynda «ÓSjAQJQ» MM-niń ujymy janynan qurylǵan «Syr lebi» folklorlyq ult aspaptary orkestri qarttarǵa arnap 2 saǵattyq kontserttik baǵdarlamasyn tartý etip, olardyń alǵysyna bólenip qaıtty.
