Qyzylordada tórt jeńil avtokólik soqtyǵysyp qaldy

QYZYLORDA. QazAqparat - Qyzylordada tórt jeńil avtokólik soqtyǵysyp, bireýiniń aldyńǵy bóligi janyp ketti, dep habarlaıdy QazAqparat tilshisi.

10 maýsymda saǵat 22.25-te Abaı kóshesiniń boıynda avtokólik janyp jatqany jóninde habarlama 101 pýltine kelip tústi.

«Oqıǵa ornyna №2 mamandandyrylǵan órt sóndirý bóliminen 2 tehnıka men 7 qyzmetker shyqty. Olar 22.29-da oqıǵa ornyna jetti. Kóshe boıynda 4 avtokóliktiń soqtyǵysýynan «Toyota Estima» avtokóliginiń aldyńǵy qozǵaltqysh bóligi janǵan. Avtokólikke gaz ornatylǵany anyqtaldy. Órt 22.45-te tolyǵymen sóndirildi. Adamdar aman», - dep málim etti oblystyq Tótenshe jaǵdaılar departamenti Órt sóndirý jáne avarııalyq-qutqarý jumystary qyzmetiniń baspasóz hatshysy Álııa Erejepova.

Eske salsaq, budan buryn Qyzylordada jol-kólik oqıǵasynan 1 adam kóz jumyp, 2 adam aýrýhanaǵa jetkizildi.