Qyzylordada tólem termınalynan 1,5 mln teńge urlaǵan kúdikti ustaldy
QYZYLORDA. QazAqparat - Qyzylorda oblysynda tólem termınalyn buzyp, odan 1,5 mıllıon teńge urlaǵan kúdikti ustaldy, dep habarlaıdy QazAqparat tilshisi.
Qyzylorda oblysy Aral aýdanynyń polıtsııa bólimine jergilikti turǵyn belgisiz bireýler aýdandaǵy bazardyń ishinde turǵan termınaldy buzyp, aqsha urlaǵany jóninde aryzdandy.
Kelgen shyǵyn - 1 mln 523 teńge.
Atalǵan derek boıynsha QR Qylmystyq kodeksiniń 188-babynyń 1-bóligimen sáıkes sotqa deıingi tergep-tekserý amaldary júrgizilýde.
Onda urlyq, ıaǵnı bótenniń múlkin jasyryn jymqyrý jaǵdaıy kórsetilgen.
«Jedel-izdestirý jumystary barysynda 30 jastaǵy jergilikti turǵyn qolǵa tústi. Odan zattaı dáleldeme retinde urlanǵan 1 mln 523 myń teńge aqsha alyndy. Kúdiktige qatysty eshqaıda ketpeý týraly qol hat túrinde bultartpaý sharasy qoldanyldy. Onyń basqa da urlyq qylmystaryna qatystylyǵy tekserilýde», - dep málim etti Qyzylorda oblystyq polıtsııa departamentinen.
Eske salsaq, Qyzylordada jasóspirim qyzǵa azǵyndyq áreket jasaǵan kúdikti ustaldy.
