Qyzylordada tólem termınalyn buzyp, aqsha urlaǵan áıel ustaldy

QYZYLORDA. QazAqparat - Qyzylorda oblysynda tólem termınalyn buzyp, aqsha urlaǵan azamatsha qolǵa tústi, dep habarlaıdy QazAqparat tilshisi.

Qyzylorda oblysy Qazaly aýdanynyń polıtsııa bólimine jergilikti turǵyn aryzdanǵan. Onyń aıtýynsha, belgisiz bireý aýdandaǵy dárihananyń ishinde turǵan termınaldy buzyp, aqsha urlap ketken.

«Saldarynan jábirlenýshige jalpy 2,6 mln teńgege jýyq shyǵyn kelgen. Jedel izdestirý nátıjesinde, aqsha urlyǵy qylmysyn jasaǵan kúdikti áıel ustaldy. Odan eshqaıda ketpeý týraly qolhat alyndy. Atalǵan derek boıynsha QR Qylmystyq kodeksiniń 188-baby 1-bóligimen (Urlyq) sotqa deıingi tergep-tekserý áreketteri júrgizilýde», - dep málim etti Qyzylorda oblystyq Polıtsııa departamentinen.

Budan buryn Qyzylordada satyp alý zańnamasyn buzǵan 214 memqyzmetshi jaýapqa tartylǵanyn jazǵan bolatynbyz.