Qyzylordada tólem qabyldaıtyn 3 termınaldy urlaǵan jigit ustaldy
Polıtsııaǵa habarlasqan mekeme basshysy ózderine tıesili úsh termınaldyń urlanǵandyǵy jóninde aryzdandy. Belgisiz azamat qala ortalyǵynda ornalasqan dárihanalardaǵy 3 termınaldy alyp ketken. Ol sol dárihana qyzmetkeri nemese kúzetshige ótinish aıtyp, termınaldy syrtqa shyǵarýǵa kómektesýdi suraǵan.
«Jedel izdestirý sharalarynyń nátıjesinde kúdikti retinde Túrkistan oblysynyń 31 jastaǵy turǵyny ustaldy. Ol úsh birdeı qylmysty ózi uıymdastyrǵan. Ol Qyzylorda qalalyq Polıtsııa basqarmasynyń ýaqytsha ustaý abaqtysyna qamaýǵa alyndy», - dep málim etti Qyzylorda oblystyq polıtsııa departamentinen.
Vedomstvo málimetinshe, oǵan qatysty QR Qylmystyq kodeksiniń 188-baby (Urlyq) boıynsha sotqa deıingi tergep-tekserý áreketteri bastaldy. Shyǵyn kólemi eseptelýde. Kúdiktiniń basqa da qylmystarǵa qatystylyǵy tekserilip jatyr.
Eske salsaq, budan buryn Qyzylordada sýıtsıd jasamaqshy bolǵan áıel qutqaryldy.
