Qyzylordada toǵyzqumalaqtan ashyq Azııa kýbogy ótedi
NUR-SULTAN. QazAqparat - 2-6 naýryz aralyǵynda Qyzylorda qalasynda memleket jáne qoǵam qaıratkeri Nálqoja Ergeshbaevty eske alýǵa arnalǵan toǵyzqumalaqtan ashyq Azııa kýbogy ótedi, dep habarlaıdy QazAqparat tilshisi.
Oblystyq sport basqarmasynyń baspasóz qyzmeti habarlaǵandaı, dúbirli básekede Aýǵanstan, Ázerbaıjan, Qyrǵyzstan, Túrikmenstan, Ózbekstan, Túrkııa, Reseı, Mońǵolııa, Bosnııa jáne Gertsegovına men Qazaqstannyń ár óńirinen kelgen toǵyzqumalaqshylar sheberlik baıqasady.
Jarys klassıka boıynsha 9 týrda, 17 jasqa deıingi jastar jáne odan joǵary jastaǵy erler men əıelder arasynda 4 topta ótkiziledi.
Aıta keteıik, ashyq Azııa kýbogy Qazaqstanda jəne Qyzylorda oblysynda alǵash ret uıymdastyrylýda. Aıtýly jarys buǵan deıin oblystyq, respýblıkalyq jəne halyqaralyq deńgeıde ótkizilgen.
Týrnır jeńimpazdary men júldegerleriniń esimi 6 naýryz kúni belgili bolady.
