Qyzylordada toǵyz kún buryn habarsyz ketken turǵyn aman-esen tabyldy

QYZYLORDA. QazAqparat - Qyzylordada toǵyz kún boıy izdeýde bolǵan 42 jastaǵy azamat aman-esen tabyldy, dep habarlaıdy QazAqparat tilshisi.

Oblys ortalyǵynda turatyn 41 jastaǵy azamatsha 22 qazanda Qyzylorda qalalyq Polıtsııa basqarmasyna kúıeýiniń habarsyz ketkeni jóninde habar berdi. Kúıeýi kóligimen belgisiz baǵytta shyǵyp, úıine qaıta oralmaǵan.

«Polıtsııa qyzmetkerleri jedel izdestirý jumysyna kiristi. Bul boıynsha barlyq polıtsııa beketine habarlanyp, joǵalǵan azamattyń sýreti jiberildi. Joǵalǵan azamat búgin saǵat 9.00 shamasynda tabyldy. Ol týystarymen aman-esen tabysty. Densaýlyǵyna eshqandaı qaýip tónip turǵan joq», - dep málim etti Qyzylorda oblystyq polıtsııa departamentinen.

Sondaı-aq, Aral mańynda elsiz dalada adasqan ańshy úsh kúnnen soń tabyldy .