Qyzylordada tirekti eldi mekenderdi gazǵa qosý qarqyndy júrgizilýde
Bıyl óńirde 3 aýdan ortalyǵy - Josaly, Jalaǵash jáne Tereńózek kentteri gazdandyrý jumystary tolyq aıaqtaldy. Osylaısha 46 myń turǵyn tabıǵı gazben qamtyldy. Nátıjesinde oblystaǵy barlyq aýdan ortalyǵyna tabıǵı gaz qubyrlary jetkizildi.
Aldaǵy ýaqytta aımaqtaǵy iri eldi mekenderdi gazǵa qosý boıynsha jumystar jasalýda.
«Oblys turǵyndarynyń tabıǵı gazǵa qosylý úlesi 65 paıyzdy qurady. Búginde aımaqtaǵy tirekti eldi mekenderdi kógildir otynmen qamtý jumystary qarqyndy júrýde.
Atap aıtsaq, byltyr Aral aýdanyndaǵy Jaqsyqylysh kenti, Qazalydaǵy Ǵ.Muratbaev jáne Shıelidegi Baısyn eldi mekenderine kógildir otyn jetkizilgen.
Al bıyl Qazaly qalasy, Shıeli aýdanyndaǵy N.Bekejanov pen Sh.Qodamanov aýyldaryna gaz tartý qurylysy aıaqtalýǵa jaqyn. Qarmaqshy aýdanyndaǵy Tóretam kenti men Aqaı aýylyna kógildir otyn jetkizý jumystary 2022 jyldyń sońyna deıin júzege aspaq. Ol úshin jergilikti bıýdjetten qarjy bólindi. Qala mańyndaǵy Naýryz jáne J.Mahambetov aýyldaryn gazdandyrý úshin respýblıkalyq bıýdjetten 500 mln teńgege jýyq aqsha qaralyp, jumys jospar boıynsha 2023 jyly aıaqtalýy kerek.
Sondaı-aq Aýyl el-besigi baǵdarlamasy aıasynda Qazaly aýdanyna qarasty Q.Pirimov, Jalańtós batyr, Basyqara aýyldaryn gazdandyrý josparlanýda», - dedi oblystyq energetıka jáne turǵyn úı-kommýnaldyq sharýashylyq basqarmasy basshysynyń orynbasary Erlan Jolamanov.
Eske salsaq, «Aýyl - el besigi» jobasy aıasynda Qyzylorda oblysynda 3 jylda 173 joba júzege asyryldy.
