Qyzylordada terrorlyq akti saldarynan 5,8 mlrd teńge kóleminde shyǵyn keldi

QYZYLORDA. QazAqparat - Qyzylorda oblysynda memlekettik mańyzy bar nysandarǵa 5,8 mlrd teńge kóleminde shyǵyn kelgen. Al, kásipkerlerge keltirilgen zalal 395 mln teńgeni qurady, dep habarlaıdy QazAqparat tilshisi.

Óńirde terrorlyq akti saldarynan oblystyń memlekettik mańyzy bar nysandaryna 5,8 mlrd teńge kóleminde shyǵyn kelgen. Al, kásipkerlerge keltirilgen zalal 395 mln teńgeni qurady. Shyǵyn esebi qarjy mınıstrligine joldanyp, bul baǵytta tıisti jumystar atqarylýda.

Bul málimetterdi oblys ákimi Gúlshara Ábdiqalyqova Memleket basshysynyń tapsyrmalary men mindettemelerin oryndaý baǵytyna arnalǵan keńeıtilgen jıynda aıtty.

Qazir óńirde suıytylǵan gaz baǵasy lıtrine 60-65, AI-92 markaly benzın ortasha 180,2, dızeldyq otyn 229,9 teńgeden saýdalanýda.

Jıyn barysynda oblys basshysy jergilikti básekelestikti qorǵaý departamenti men oblystyq kásipkerlik jáne týrızm basqarmasy janar-jaǵar maı baǵalaryna turaqty túrde monıtorıng júrgizip, negizsiz ósim oryn alǵan jaǵdaıda tıisti sharalar qabyldaý qajettigine toqtaldy. Oblystyq monopolııalardy retteý jónindegi departamenti aımaqtaǵy kommýnaldyq qyzmet túrlerine tarıfterdi belgilengen merzim ishinde kóterilmeýin qamtamasyz etýdi mindettedi.

Áleýmettik mańyzy bar azyq-túlik taýarlary baǵasyn memlekettik retteýde oblysta jyl saıyn jergilikti bıýdjetten qarjy bólinip turaqtandyrý qory tolyqtyrylýda. Bıyl oǵan 1,3 mlrd teńge qarastyrylyp otyr. Osy rette oblystyq aýyl sharýashylyǵy basqarmasyna «Baıqońyr» áleýmettik-kásipkerlik korporatsııasymen, aýdandar men jáne Qyzylorda qalasy ákimderimen birlesip, baǵany turaqtandyrý baǵytynda naqty sharalar qabyldaý júkteldi.

Aıta ketsek, Qyzylorda oblysynda qoǵamdyq qaýipsizdikti saqtaý maqsatynda 28 blok beket qoıyldy.