Qyzylordada terrorıstik turǵydan osal 167 nysan anyqtaldy
Qyzylorda oblysy Polıtsııa departamenti tarapynan bul baǵyttaǵy tekserý jumystary turaqty júrgizilip keledi. Sol is-sharalar bıyl da jalǵasyn tapty.
«Bıyl jyl basynan beri oblys aýmaǵynda ornalasqan barlyq terrorıstik turǵydan osal nysandar tekserildi. Olardyń 167-i talapqa tolyq saı keletini anyqtaldy. Al 524 nysan basshylyǵyna kemshilikterdi joıý týraly nusqama berildi. Onyń ishinde 19 nysan basshysy tarapynan óreskel quqyq buzýshylyqtar anyqtaldy. Osyǵan sáıkes olar QR Ákimshilik quqyq buzýshylyq týraly kodeksiniń 149-babyna sáıkes tıisti jazaǵa tartyldy. Onda ózine senip tapsyrylǵan nysannyń terrorızmge qarsy qorǵalýyn qamtamasyz etý jáne qaýipsizdiginiń tıisti deńgeıin saqtaý jónindegi mindetterin tıisinshe oryndamaǵany kórsetilgen. Nátıjesinde sot organdarynyń sheshimine sáıkes 19 nysan basshysyna 8 mıllıon teńgege jýyq aıyppul salynyp, jaýapkershilikke tartyldy», - dep málim etti Qyzylorda oblystyq polıtsııa departamentiniń baspasóz qyzmeti.
Byltyr zań talaptaryna sáıkes kelmeıtin 31 nysan anyqtaldy. Olardyń basshylyǵyna 27 mıllıon teńgege jýyq aıyppul salynǵan bolatyn.