Qyzylordada terrorısterge qarsy operatsııa júrip jatyr, 38 adamnyń jaǵdaıy aýyr
Qyzylorda oblysynyń aýmaǵynda terrorısterge qarsy operatsııa jalǵasyp jatyr.
Qarýly top oblystyq, qalalyq ákimdikke, Nur Otan partııasy men oblystyq sot ǵımaratyna shabýyl jasaǵan. Qyzmetkerler shuǵyl túrde kóshirilgen.
Jaraqat alǵan 168 adam aýrýhanaǵa júgingen. Onyń 77-si aýrýhanaǵa jatqyzyldy, 38 azamat jansaqtaý bóliminde jatyr.
Óńirde jedel shtab qurylǵan.
«Basa aıtý kerek, qoǵamdyq tártipti óreskel buzyp, jalǵan aqparat taratqan azamattar jaýapkershilikke tartylady. Qyzylorda oblysy aýmaǵynda terrorıstik qaýiptiń qyzyl shekti deńgeıi engizilýine baılanysty terrorızmge qarsy operatsııa bastaldy. Aımaqta engizilgen shekteýlerge oraı asa qajet bolmasa, úıden syrtqa shyqpaǵan jón. Shyqqan jaǵdaıda qolyńyzda jeke kýálik bolýy shart»,- dedi oblys ákimi Gúlshara Ábdiqalyqova halyqqa joldaǵan úndeýinde.
