Qyzylordada terrorısterden qorǵanysy osal 4 mekeme basshysy jazalandy

QYZYLORDA. QazAqparat - Qyzylordalyq polıtseıler adamdar kóp shoǵyrlanatyn oryndardy tekserip, terrorızmge qarsy qorǵalýy zań talaptaryna saı emes nysandardy anyqtaýda. Bul týraly QazAqparat tilshisi habarlady.

Júrgizilgen tekserý jumystary nátıjesinde terrorıstik turǵydan osal 4 nysannyń basshysy QR Ákimshilik quqyq buzýshylyq týraly kodeksiniń 149-baby 1-bóligine sáıkes ózine senip tapsyrylǵan nysannyń terrorızmnen qorǵalýyn qamtamasyz etý jáne qaýipsizdiginiń tıisti deńgeıin saqtaý jónindegi mindetterdi oryndamaǵany úshin ákimshilik jaýapkershilikke tartyldy. Onyń ishinde 1 qoǵamdyq tamaqtaný orny, 1 sport nysany, 1 óndiris nysany, 1 sý sharýashylyǵy mekemesi basshylyǵyna sot oryndarynyń sheshimine sáıkes 2 mıllıonǵa jýyq aıyppul salyndy.

Tekserý nátıjeleri kórsetkendeı, terrorıstik turǵydan osal nysandarda ınjenerlik-tehnıkalyq qadaǵalaý, beınebaqylaý júıesi men dabyl qondyrǵylary, sondaı-aq, mamandandyrylǵan kúzet qyzmeti bolmaǵan.