Qyzylordada teris aǵymdardy áshkerelegen «Zaman-aı» dramasy qoıyldy
QYZYLORDA. QazAqparat - Qyzylorda oblystyq N.Bekejanov atyndaǵy qazaq mýzykalyq drama teatrynyń repertýary taǵy da bir jańa spektaklmen tolyqty.
Teatr sahnasynda M.Serikbaevtyń «Zaman-aı» dramasy qoıyldy, dep habarlady QazAqparat tilshisi.
Spektaklde negizinen qazirgi qoǵamdaǵy teris aǵymdar jaıly aıtylady. Bir-aq sátte ózi tárbıelep ósirgen azamatynyń basqa dinniń jeteginde ketip, olardan teris aınalýy spektaklde baıandalady.
Búginde, asyl dinimizben múldem janaspaıtyn jat aǵymdar jeteginde ketken qanshama qandastarymyz óz jaqyndarynan, dostarynan teris aınalyp jatqany málim. Pesa elimizdiń jarqyn bolashaǵyn qalaýshy - jas urpaqtarymyzdyń sanasyn ýlap jatqan jat aǵymdardyń mán-maǵynasyn, áser etý joldary men tıgizer zııandaryn ashyp kórsetip, olarǵa qysqasha toqtalýdy maqsat etken.
Spektakldiń basty taqyryby dinı aǵymdar jaıly bolǵandyqtan oblysymyzdyń ortalyq meshitterinen ımamdar arnaıy kelip, tamashalady.
Kórermenderdiń ystyq yqylasyna bólengen spektakl joǵary deńgeıde sahnalandy. Spektakldiń rejısseri Aqtóre Orazaly bolsa, basty rólderdi Asqar Orazalıev, «Mádenıet salasynyń úzdigi» tósbelgileriniń ıegerleri Nurlybek Shnalıev, Záýre Kózdibaeva sátti somdap shyqty.
