Qyzylordada tergeý ızolıatorynda temekiniń ishinen keptirilgen esirtki tabyldy
Oblystyq qylmystyq-atqarý júıesi departamentine qarasty ZK-169/1 tergeý mekemesinde sálemdemelerdi qabyldaý bólmesinde polıtsııa qyzmetkerleri tyıym salynǵan zatty anyqtady.
«Oqıǵa ornyna dereý Qyzylorda qalalyq polıtsııa basqarmasynyń jedel-tergeý toby shaqyrtyldy. Tekserý barysynda temekiniń 200 danasyn jeke-jeke qarap shyqty. Nátıjesinde tórt temekiden túsi jasyl, ózine tán erekshe ıisi bar, shóp tárizdi zat anyqtaldy. Saraptama qorytyndysymen onyń 2,76 gr keptirilgen marıhýana ekeni dáleldendi. Atalǵan derek boıynsha QR Qylmystyq kodeksiniń 297-babynyń 1-bóligimen sotqa deıingi tergep-tekserý jumystary júrgizilýde», - dep málim etti oblystyq qylmystyq-atqarý júıesi departamentinen.
Eske salsaq, budan buryn Ońtústik Koreıaǵa vıza jasap berem dep 5 adamdy aldaǵan qyzylordalyq áıel ustaldy.
