Qyzylordada tergeý ızolıatorynda otyrǵan áıel bosandy
QYZYLORDA. QazAqparat - Qyzylorda qalasynda ZK-169/1 tergeý ızolıatory mekemesinde otyrǵan azamatsha ekinshi perzentin dúnıege alyp keldi, dep habarlaıdy QazAqparat tilshisi.
Azamatsha Qyzylorda qalalyq tergeý sotynyń 2019 jylǵy 13 sáýirdegi qaýlysyna sáıkes ZK-169/1 mekemesine jiberilgen. Oǵan QR Qylmystyq kodeksiniń 188-baby 2,3 tarmaqtarymen «kúzetpen ustaý» bultartpaý sharasy qoldanylǵan.
Áıel 10 maýsym kúni Ana men bala ortalyǵynda bosanyp, ekinshi perzentin dúnıege alyp keldi.
«Atalǵan azamatshaǵa ZK-169/1 mekemesiniń ákimshiligi alǵashqy kezektegi qajetti zattar jáne tıisti azyq-túligimen qamtamasyz etti. Qazir ana men balanyń densaýlyǵy birqalypty. Mekeme ákimshiligi náresteniń qujattandyrý jumystarymen aınalysýda. Qylmystyq isi boıynsha sheshimdi zań talaptaryna sáıkes merziminde sot organdary qabyldaıdy», - dep málim etti Qyzylorda oblysy boıynsha Qylmystyq atqarý júıesi departamentiniń baspasóz hatshysy Dana Dostanova.
