Qyzylordada tergeý ızolıatoryna uıaly telefondy bas kıimge jasyryp ótkizbek boldy
QYZYLORDA. QazAqparat - Qyzylordada tergeý ızolıatoryna eki azamatsha tyıym salynǵan zattardy jasyryn ótkizbek bolǵan. Olardyń biri uıaly telefondy bas kıim ishine salyp qoıǵan, dep habarlaıdy QazAqparat tilshisi.
Bul oqıǵa keshe Qyzylorda oblysyndaǵy ZK-169/1 mekemesinde oryn alǵan. Mekeme qyzmetkerleri tergeý qamaýyndaǵy balasymen kezdesýge kelgen anasyn tekserý barysynda azamatshadan uıaly telefon jáne sım-karta tabyldy.
Tergeý ızolıatorynda osyǵan uqsas taǵy bir oqıǵa boldy. Aǵasymen kezdesýge kelgen azamatshany tintý-tekserý kezinde bas kıiminiń ishine jasyrylǵan uıaly telefon men sım karta shyqty.
«QR Ákimshilik quqyq buzýshylyq týraly kodeksiniń 481-baby boıynsha hattama toltyrylyp, atalǵan azamatshalardyń is-qujattary Qyzylorda qalasynyń sotyna joldandy», - dep málim etti Qyzylorda oblysy boıynsha Qylmystyq atqarý júıesi departamentiniń baspasóz hatshysy Dana Dostanova.
Budan buryn jazasyn ótep jatqan aǵasyna jasyryp uıaly telefon ótkizbek bolǵan jaǵdaı tirkelgen edi.
