Qyzylordada tergeý ızolıatoryna ákelingen palaý ishinen telefon tabyldy
QYZYLORDA. QazAqparat - Qyzylordada tergeý ızolıatoryna ákelingen palaý ishinen telefon tabyldy, dep habarlaıdy QazAqparat tilshisi.
Qyzylordada jergilikti turǵyn tergeý ızolıatorynda qamaýda otyrǵan tanysyna sálem-saýqatyn alyp kelgen.
«Jergilikti turǵyn palaý ishine salyp uıaly telefon, qazaqstandyq uıaly baılanys sımkartalary men 2 dana qýattaǵysh qurylǵysyny ótkizbek bolǵan. Ony folga kaǵazyna orap, tamaq ishine jasyrǵan. Qazirgi tańda atalǵan derek boıynsha QR Ákimshilik quqyq buzýshylyq týraly kodeksiniń 481-babyna sáıkes is-qujattary daıyndaldy. Ol protsessýaldyq sheshim qabyldaý úshin Qyzylorda qalalyq ákimshilik sotyna joldandy», - dep málim etti Qyzylorda oblysy boıynsha Qylmystyq atqarý júıesi departamentiniń baspasóz hatshysy Dana Dostanova.
