Qyzylordada tehnıkalyq zattar satatyn saýda úıi otqa orandy

QYZYLORDA. QazAqparat - Qyzylorda oblysynda tehnıkalyq zattar satatyn saýda úı tolyǵymen otqa orandy, dep habarlaıdy QazAqparat tilshisi.

Oqıǵa 6 maýsymda saǵat 23.51 shamasynda boldy. Sol ýaqytta Qarmaqshy aýdanyna qarasty Tóretam kentindegi tehnıkalyq zattar satatyn saýda úıinen órt shyqqan.

«Saýda úıiniń jalpy aýdany 758,8 sharshy metrdi quraıdy. Órt kezinde aýmaǵy 275 sharshy metr bolatyn shatyr, tóbe jabyny jáne ishindegi turmystyq zattary tolyǵymen janǵan. Órt 00.53-te oqshaýlanyp, 01.15-te tolyq sóndirildi.

Qaza bolǵandar men zardap shekkender joq. Órttiń shyǵý sebebine órt-synaq zerthana jumystary taǵaıyndaldy. Shyǵyn kólemi anyqtalýda», - dedi oblystyq tótenshe jaǵdaılar departamentiniń bas mamany Aıgúl Nurmanova.

Eske salsaq, ekskýrsııamen elordadan Qyzylordaǵa barǵan jasóspirim darııaǵa batyp ketti.