Qyzylordada tehnıkalyq reglament talaptaryna saı emes tamaq ónimderi anyqtaldy
Qyzylorda oblysynyń sanıtarııalyq-epıdemıologııalyq baqylaý departamenti shilde aıynda oblys aýmaǵyndaǵy saýda oryndarynan 136 ónim synamasyn iriktep, zerthanalyq saraptama júrgizgen bolatyn.
Atalǵan ónimderdiń basym bóligin taǵam ónimderi quraıdy. Onyń ishinde otandyq, Eýrazııalyq ekonomıkalyq odaqqa múshe elderde jáne ózge elderde óndirilgeni bar.
Júrgizilgen saraptamalar nátıjesinde 5 synama tehnıkalyq reglament talaptaryna saı bolmaı shyqty. Onyń ishinde 4 synamada fızıkalyq-hımııalyq kórsetkishter jáne 1 synamada tańbalaý talaptary sáıkes kelmedi.
Sáıkessizdikterdiń barlyǵy tamaq ónimderinen anyqtaldy. Onyń ishinde et jáne qus eti ónimderi, kondıter ónimderi, alkogolsiz sýsyndar bar.
«Sanıtarııalyq-epıdemıologııalyq saraptama qortyndysy boıynsha tehnıkalyq reglament talaptaryna saı kelmeıdi dep tanylǵan synamalardyń barlyǵy Eýrazııalyq ekonomıkalyq Odaqqa múshe elderde óndirilgen. Atalǵan ónimder boıynsha 2 kásipkerlik sýbektisine QR-nyń halyqtyń sanıtarlyq-epıdemıologııalyq salaýattylyǵy salasyndaǵy zańnamasy talaptaryn buzýshylyqty joıý jónindegi nusqamalar berildi», - dep málim etti Qyzylorda oblysynyń sanıtarııalyq-epıdemıologııalyq baqylaý departamentinen.
