Qyzylordada Tájikstannan Reseıge 20 tonna orama jip alyp bara jatqan júk kóligi órtendi
QYZYLORDA. QazAqparat - Qyzylorda oblysynda orama jip tıelgen júk kóligi tolyǵymen órtenip ketti, dep habarlaıdy QazAqparat tilshisi.
Oqıǵa búgin, 30 tamyzda «Shymkent-Samara» tas jolynyń Jańaqorǵan aýdany aýmaǵynda bolǵan. Tájikstannan Reseıge bet alǵan júk kóligi ortqa oranǵan.
«Bul jaıyndaǵy habarlama saǵat 5.33-te aýdandyq №14 órt sóndirý bóliminiń beketine kelip tústi. Oqıǵa Jańaqorǵan aýdanynyń ortalyǵyna 45 shaqyrym qalǵan aýmaqta bolǵan. Tájikstannan Reseıge bet alǵan kólik tirkemesinde 20 tonna orama jip tıelgen. Órt sóndirýshiler kúshimen kóliktiń kabınasy tolyqtaı saqtalyp qaldy. Órt 07.22-de tolyǵymen sóndirildi. Oqıǵanyń sebebi anyqtalýda», - dep málim etti oblystyq tótenshe jaǵdaılar departamenti órt sóndirý jáne avarııalyq qutqarý jumystary qyzmetinen.
Eske salsaq, budan buryn Qyzylordada kópqabatty úı órtenip, 60 jastaǵy turǵyn ýlanyp qaldy.
