Qyzylordada «Taza sý» baǵdarlamasyna 5 mln. teńge zııan keltirgen qyzmetkerdiń ústinen is qozǵaldy
QYZYLORDA. 26 qyrkúıek. QazAqparat/ - Qyzylorda oblysynda memlekettik «Taza sý» baǵdarlamasyn júzege asyrý jumystarynan memleketke zııan keltirgen qyzmetker de tabylyp otyr.
Bul derekti bizge oblystyq qarjy departamenti bastyǵynyń orynbasary Іlııas Rahmanov jetkizdi.
Atalmysh baǵdarlamaǵa sáıkes Qarmaqshy aýdanynda nasos stansasyn qondyrý jónindegi tenderdi «Ýnıversal Servıs LTD» JShS dırektory M.Kerimova jeńip alady. Onyń quny 134,1 mln. teńge turady. Mine, osy jumystardyń tolyq atqarylmaǵanyn bile tura, aýdandyq qurylys bóliminiń bastyǵy A.Dosmaıylov ony qabyldap alý jónindegi aktige qol qoıady. Osy arqyly ol memleketke 5 mln. teńgege jýyq aqshaǵa zııan keltiredi.
Atalǵan is boıynsha qazir tergeý amaldary júrip jatyr.
