Qyzylordada tanystarynyń atyna kredıt alǵan stýdent sottaldy

QYZYLORDA. QazAqparat - Qyzylordada tanystarynyń atynan kredıt alǵan stýdent qyz sottaldy, dep habarlaıdy QazAqparat tilshisi.

Jas qyz mundaı eki alaıaqtyq áreketke barǵan. Alǵashqysy bıylǵy jyldyń aqpan aıynda boldy. Ońaı jerden olja izdegen qyz tanysynan aqsha aýdaryp alaıyn degen jeleýmen jeke kýáligi men bankomat kartochkasyn surap alady. Nátıjesinde nesıe beretin seriktestiktiń birinen 30, ekinshisinen 40 myń teńge nesıe rásimdeıdi.

Osylaısha eki márte alaıaqtyq jolmen nesıe rásimdegen ol sot aldynda jaýap berýge týra keldi. Qyzylorda qalasy №2 sotynyń úkimimen ol úsh jylǵa sottaldy. Sondaı-aq, oǵan jábirlenýshilerge keltirilgen shyǵyndy óteý mindetteldi.