Qyzylordada tanystaryn aldap, nesıe aldyrǵan kelinshek ustaldy
Qyzylorda qalalyq polıtsııa basqarmasyna oblys ortalyǵynyń úsh turǵynynan aryz tústi. Olar byltyr jeltoqsan aıynda bir áıel úsh azamatshany aldap, nesıe aldyrǵan. Osylaısha ol jábirlenýshilerge 2,5 mln teńge kóleminde shyǵyn keltirgen.
«Jábirlenýshiler odan aqshasyn qaıtarýdy talap etken. Degenmen ol qarjyny qaıtarýǵa nıet tanytpaǵan. Jedel-izdestirý sharasynyń nátıjesinde Qyzylorda qalasynyń 1987 jylǵy turǵyny qolǵa tústi. Ol óz kinásin tolyqtaı moıyndady. Alaıaqtyń ózge de qylmystarǵa qatystylyǵy anyqtalyp jatyr. Oǵan qatysty QR Qylmystyq kodeksiniń 190-baby 3-bóligi 4-tarmaǵy (birneshe ret jasalǵan alaıaqtyq) boıynsha sotqa deıingi tergep-tekserý júrgizilýde. Kúdikti ýaqytsha ustaý ızolıatoryna qamaldy», - dep málim etti Qyzylorda oblystyq polıtsııa departamenti baspasóz qyzmetinen.