Qyzylordada tańǵy saǵat 6-da úıden shyǵyp, joǵalyp ketken bes jasar bala tabyldy
QYZYLORDA. QazAqparat - Qyzylorda oblysy Shıeli aýdanyndaǵy eldi mekeninen tańǵy ýaqytta úıinen shyǵyp ketken bes jastaǵy bala aman-esen tabyldy, dep habarlaıdy QazAqparat tilshisi.
Shıeli aýdanynyń kezekshi bólimine saǵat 6.00-de sol aýdan turǵynynan kámeletke tolmaǵan 5 jastaǵy balasynyń úıinen belgisiz baǵytqa shyǵyp, oralmaǵany týraly habar túsken. Ony izdeý úshin polıtsııa bóliminiń búkil jeke quramy jumyldyryldy.
«Polıtsııa qyzmetkerleri barlyq polıtsııa ýchaskelerine baǵyt-baǵdar berdi. Adamdar kóp jınalatyn oryndardy, shatyrlar men qaraýsyz qalǵan ǵımarattar tekserildi. Іzdestirý jumystary barysynda joǵalǵan jasóspirim aýdan ortalyǵynda tabyldy. Búgingi tańda balanyń anasymen profılaktıkalyq jumystar júrgizilýde. Ata-analardan balalardy baqylaýdy kúsheıtý qajet ekendigin eskertemiz», - dep málim etti Qyzylorda oblystyq polıtsııa departamentiniń baspasóz qyzmetinen.
