Qyzylordada tamyz aıynda 130 karantın talabyn buzý deregi anyqtaldy
Óńirde monıtorıngtik top jumystary kúsheıtildi. Búginge deıin 12 803 nysanǵa reıd júrgizildi. Nátıjesinde 545 karantın talabyn buzý jaǵdaıy anyqtalyp, olarǵa 37,7 mln. teńge aıyppul salyndy.
Al tamyz aıynda 705 nysanǵa tekseris júrgizilgen bolatyn. Nátıjesinde monıtorıngtik top músheleri 130 karantın talabyn buzý jaǵdaıyn anyqtady. Olarǵa 5,7 mln. teńge aıyppul salyndy.
Kópshilik arasynda karantın talabyna qaramastan qyz uzatý, úılený toıy, besik toı, qudalyq ótkizetin jaǵdaılar kezdesedi.
Mobıldik top músheleri osyndaı oryndarǵa baryp, jurtshylyqqa túsindirý jumystaryn júrgizdi. Toı ıelerinen túsinikteme alyp, jınaqtalǵan materıaldar zańdy sheshim qabyldaý úshin quzyrly organdarǵa joldandy.
Eske salsaq, budan buryn Qyzylorda oblysynda monıtorıng top ókilderi bir kúnniń ishinde birneshe toıǵa jınalǵandardy taratty.
