Qyzylordada talapqa saı kelmegen 665 keli qus eti joıyldy
Qyzylorda oblysynyń sanıtarııalyq-epıdemıologııalyq baqylaý departamenti mamandary bıylǵy jyldyń 11 aıynda azyq-túlik jáne azyq-túlik emes ónimderi boıynsha 1851 synamany saraptamaǵa alǵan bolatyn. Olardyń 73,6 paıyzyn taǵam ónimderi quraıdy. Onyń ishinde otandyq ónimder 25,7, Eýrazııalyq ekonomıkalyq odaqqa múshe elderde óndirilgen ónimder 64,7, ózge elderde óndirilgenderi 9,5 paıyzdy shamalaıdy.
Saraptama nátıjesi boıynsha 111 synamadan sáıkessizdik anyqtaldy. Atap aıtqanda, sáıkessizdikterdiń 24-i mıkrobıologııalyq, 13-i fızıkalyq-hımııalyq, 2-i qaýipsizdik, 77-i tańbalaný boıynsha tirkeldi.
«Al tamaq ónimderine qatysty 98 sáıkessizdik anyqtaldy. Onyń basym bóligi qus eti, et ónimderi men alkogolsiz sýsyndar, kondıterlik ónimderdiń úlesine tıedi. Keden Odaǵy tehnıkalyq reglamentter talaptaryna saı kelmegen ónimder boıynsha 32 saýda nysanyna halyqtyń sanıtarlyq-epıdemıologııalyq salaýattylyǵy salasyndaǵy zańnama talaptaryn buzýdy joıý jónindegi nusqamalar berildi. Budan bólek, sáıkessizdikter anyqtalǵan 665,90 keli qus eti ónimderi satylymnan alynyp tastaldy», - dep málim etti Qyzylorda oblysynyń sanıtarııalyq-epıdemıologııalyq baqylaý departamenti.
Vedomstvo ókilderi Reseıde óndirilgen quramynda patogendi mıkroorganızmder tabylǵan balapan-broılerdiń jilinshigi men tós eti jartylaı fabrıkattary saýda sórelerinen alynyp, olar tolyǵymen joıylǵany jóninde de habarlady.
Sondaı-aq, Qyzylorda oblysynda týberkýlezge shaldyǵý jaǵdaılary azaıdy.
