Qyzylordada tabıǵat qorǵaý ınspektorlaryna oq jaýdyrǵan eki adam ustaldy

QYZYLORDA. QazAqparat - Qyzylorda oblysynda brakonerlik aınalysqan. Olardy ustaý kezinde eki adam tabıǵat qorǵaý ınspektorlaryna oq atqan, dep habarlaıdy QazAqparat tilshisi.

Áleýmettik jeli betterinde buǵan baılanysty beınejazbalar jarııalanǵan. Olardyń birinde sol aýmaqta mal baǵatynyn aıtqan azamat bar kináni óziniń moınyna alatynyn aıtsa, ekinshisinde tabıǵat qorǵaý ınpektorlaryna oq atqan eki adam jaıynda aıtylady.

«Atalǵan oqıǵaǵa baılanysty oblystyq polıtsııa departamentiniń baspasóz qyzmeti tómendegishe málimetterdi aıtyp berdi.

Oqıǵaǵa kináli eki azamat anyqtalyp, ýaqytsha ustaý abaqtysyna qamaqqa alyndy. Olardyń is-áreketine qatysty quqyqtyq baǵa beriledi. Atalǵan derek boıynsha QR Qylmystyq kodeksi boıynsha sotqa deıingi tergep-tekserý amaldary júrgizilýde. Atap aıtqanda, kináli eki azamat aldymen 337-babynyń 4-bóligi 2-tarmaǵymen, 380-2 babynyń 2-bóligimen qylmystyq jaýapqa tartylady», - dep málim etti Qyzylorda oblystyq polıtsııa departamenti baspasóz qyzmetinen.

Vedomstvo málimetinşe, qylmystyq is boıynsha qajetti sot-saraptamalary taǵaıyndalyp, keshendi tergep-tekserý áreketi júrgizilýde. QR Qylmystyq-protsestik kodeksiniń 201-babynyń talaptaryna sáıkes, sotqa deıingi tergep-tekserý derekterin jarııa etýge jol berilmeıdi.