Qyzylordada Syrdarııa aýdany «qyzyl» aımaqqa engizildi
Sońǵy kúnderde óńirde koronavırýs ınfektsııasyna shaldyqqan turǵyndar sany artty. Búgin oblysta 32 adam qaterli indet quryǵyna ilikti. Qazirge deıin koronavırýske shaldyqqan adamdar sany 4490 adamǵa jetti.
Búgingi kúni koronavırýs ınfektsııasynyń epıdemıologııalyq ahýalyn baǵalaý matrıtsasynda oblysta Jalaǵash, Shıeli, Qarmaqshy jáne Aral aýdandary «jasyl» aımaqta tur. Al Jańaqorǵan, Qazaly aýdandary jáne Qyzylorda qalasy «sary» aımaqta bolsa, Syrdarııa aýdany «qyzyl» aımaqqa endi.
«Jyl basynan beri Syrdarııa aýdanynda koronavırýs ınfektsııasyn juqtyrýdyń 79 jaǵdaıy tirkeldi. Sáýir aıynyń 13 kúninde 43 derek anyqtalyp otyr. Aýdannyń qyzyl aımaqqa enýine baılanysty qazirgi tańda aýdanda shekteý sharalary, onyń ishinde karantındi kúsheıtý týraly aýdandyq Bas memlekettik sanıtarııalyq dárigeriniń qaýlysyn qabyldaý boıynsha jumystar júrgizilýde», - dep málim etti oblystyq sanıtarııalyq-epıdemıologııalyq baqylaý departamentinen.
Eske salsaq, Qyzylordada 14 sáýirge deıin 10684 turǵynǵa vaktsına salyndy.