Qyzylordada sybaılas jemqorlyqqa qarsy kúres máseleleri jónindegi komıssııanyń kezekti otyrysy bolyp ótti
QYZYLORDA. Qyrkúıektiń 24-i. QazAqparat /Jańagúl Serdaly/ - Keshe Qyzylordada sybaılas jemqorlyqqa qarsy kúres jónindegi oblystyq komıssııanyń kezekti otyrysy bolyp ótti. Oǵan oblys ákimi Bolatbek Qýandyqov tóraǵalyq etti. Komıssııa jumysyna oblystyq jáne aýmaqtyq basqarmalar basshylary, Qyzylorda qalasy men aýdandar ákimderi qatysty.
Otyrysta oblys boıynsha sybaılas jemqorlyqqa qarsy kúres departamentiniń basqarma bastyǵy Baqytjan Nııazov kún tártibindegi «Qarjy polıtsııasy organdarynyń sybaılas jemqorlyqqa qarsy kúresti uıymdastyrý jumystarynyń nátıjeleri týraly» habarlama jasady. Bıylǵy jyldyń 8 aıynda oblysta bul salada birqatar jumystar atqarylǵan. Sonyń nátıjesinde sybaılas jemqorlyq sıpatynda 56 qylmystyq is ashyldy. Sybaılas qylmys boıynsha keltirilgen 9,6 mln.teńge zalal memleket paıdasyna óndirilgen. Otyrysta sondaı-aq Qarmaqshy aýdanynyń ákimi Bıǵalı Qaıýpov, Jalaǵash aýdanynyń ákimi Qaırat Bekenov kún tártibindegi másele boıynsha esep berdi.
