Qyzylordada sút kombınaty salynady
QYZYLORDA. QazAqparat - Qyzylorda oblysy Shıeli aýdanynda bıyl 1200 bas iri qara fermasyn iske qosyp, óńirdegi tabıǵı sút óndirý úlesin arttyrý josparlanyp otyr, dep habarlaıdy QazAqparat tilshisi oblys ákimdigine silteme jasap.
Al, kelesi jyly sút kombınatynyń qurylysy bastalmaq. Іshki naryqty tolyq qamtyǵannan keıin ónimder syrtqy naryqqa da shyǵarylmaq. Mal sharýashylyǵymen aınalysatyndar úshin de kepildendirilgen jem-shóp bazasyn qurý josparlanýda. Mal azyǵy ónimderi úshin beriletin jer aýmaǵy aǵymdaǵy jyly 1,3 myń gektarǵa kóbeıdi.
Budan basqa, aýylsharýashylyǵy kooperatsııalary arqyly mal sharýashylyǵyn damytýǵa jeke qosalqy sharýashylyqtar maqsatty túrde tartylǵan.
«Sońǵy bir jarym jylda 2320 jeke qosalqy sharýashylyqtan qurylǵan 105 kooperatıvtiń 73-i mal sharýashylyǵyn damytýǵa baǵyttalǵan. 801 otbasylyq mal bordaqylaý alańy men 385 sút ónimi qojalyqtary quryldy. Bir ǵana 2018 jyly 250 jeke qosalqy sharýashylyqtardy biriktirý jolymen 18 kooperatıv quryldy. Eger 2017 jyly kooperatıvter 1 jylda 342 tonna et pen 133 tonna sút óndirse, 2018 jyldyń І toqsanynda ǵana olar 206 tonna et pen 252 tonna sút óndirgen» dep jazylǵan habarlamada.
