Qyzylordada sýretshilerdiń respýblıkalyq sımpozıýmy bastaldy
QYZYLORDA. QazAqparat - Qyzylordada «Jaınaı ber, Qyzylorda!» atty sýretshilerdiń respýblıkalyq sımpozıýmy bastaldy, dep habarlady QazAqparat HAA tilshisi.
Sharanyń ashylý rásiminde oblys ákiminiń orynbasary Rýslan Rústemov qatysýshylarǵa sáttilik tiledi.
Kózimen kórip, kóńilge túıgenin alpys eki tamyrynan ótkizip baryp beıneleıtin qylqalam sheberleri tarıhty bár sátke toqtata alatyn qasıetke ıe. Óıtkeni olar osy óneri arqyly ótkenimizdi kóz aldymyzǵa ákelip, tarıhymyzdy tirilte alady.
"1928 jyly sýretshiler kórmesi alǵash ret Qyzylorda qalasynda uıymdastyryldy. Bul Syr eliniń keskindeme ónerindegi rolin aıshyqtaı túsedi", - dedi R. Rústemov óz sózinde.
Oblystyq mádenıet, arhıvter jáne qujattama basqarmasy uıymdastyrǵan sharaǵa Astana, Almaty, Aqtóbe, Taraz, Shymkent, Pavlodar, Petropavl, Qaraǵandy, Óskemen qalalary men Qyzylordadan ókilder qatysty. Basqarma basshysy Erjan Ábdirahmanov sımpozıýmnyń tabysty ótýine tilektestik bildirip, olarǵa qajetti qural-jabdyqtar tabys etti. QR Sýretshiler odaǵynyń tóraǵasy Ómirbek Jubanııazov mundaı sharalar kásibı sýretshiler men jas talant ıeleriniń ózara pikir almasyp, tájirıbe bólisý múmkindigi ekenin aıtty. Shara 3 mamyrǵa deıin jalǵasady. Osy ýaqyt ishinde qatysýshylar Qarmaqshy aýdanyndaǵy Qorqyt ata kesheninde, Jańaqorǵan aýdanyndaǵy Qarataý jotalarynda, jáne oblys ortalyǵynda plenerlik jumyspen aınalysady. Galereıa qory osylaısha týǵan jerdiń ajaryn aıshyqtaıtyn jańa kartınalarmen tolyǵa túspek.
