Qyzylordada sýretshi Berik Bókeshovtiń jeke kórmesi ótti
QYZYLORDA. QazAqparat - Búgin oblys ákiminiń orynbasary Rýslan Rústemovtiń qatysýymen QR Sýretshiler odaǵynyń múshesi Berik Bókeshovtiń «Araldyń asaý tolqyny» atty jeke sýret kórmesi ótti.
Shara el Táýelsizdiginiń 25 jyldyǵy aıasynda uıymdastyrylyp otyr. Kórmege sýretshiniń túrli taqyryptaǵy 60-tan astam týyndysy usynyldy. Bul týraly oblystyq ákimdiktiń baspasóz qyzmeti habarlady.
- Ýaqyt ótken saıyn jarqyraı túsetin, san ǵasyrlar ótse de óziniń máni men maǵynasyn eshqashan joǵaltpaıtyn shynaıy qundylyqtardyń biri - beıneleý óneri desek, sol álemnen oıyp turyp oryn alyp, syryn sýret álemine syıǵyzyp, sezimin sol sýret arqyly adamzat júregine jetkizip júrgen, qazaq sýret ónerinde ózindik orny bar.
Al Berik Bókeshov - 300-den astam sýrettiń avtory. Onyń týyndylary Danııa, Germanııa, Izraıl, Japonııa, Reseı, Qyrǵyzstan jáne Ózbekstan memleketterindegi jeke kollektsıonerler qorynda saqtaýly. Búgingi kórmede usynylyp otyrǵan qaıtalanbas jumystary ýaqyt kóshinen qalmaı, máńgi óshpes qundylyqtar retinde saqtala otyryp, estetıkalyq turǵyda rýhanı áser syılaıtyndyǵy sózsiz»,- dep talant ıesine shyǵarmashylyq tabys tiledi oblys ákiminiń orynbasary.
Sodan soń Berik Bókeshovtiń shyǵarmashylyq joldaǵy ustazy, belgili sýretshi Shákirbek Sámenov sóz sóılep, shákirtiniń týyndylarynda ózgeshe saryn, dara joly bar ekendigin tilge tıek etti. Shara sońynda kópshilik qylqalam ıesiniń jeke sýret kórmesin tamashalady.
