Qyzylordada sýǵa ketken balanyń múrdesi tabyldy

QYZYLORDA. QazAqparat - Qyzylordada sýǵa batyp ketken 13 jastaǵy jasóspirimniń denesi oqıǵa oryn alǵan jerden eki shaqyrym qashyqtyqtan tabyldy, dep habarlaıdy QazAqparat tilshisi.

Budan buryn Qyzylorda qalasynda 13 jastaǵy jasóspirim sýǵa ketkenin habarlaǵan edik.

«Jasóspirim dostarymen birge sýǵa túsýge barǵan. Sýǵa shomylý barysynda batyp ketken. Bul týraly habarlama oblystyq tótenshe jaǵdaılar departamenti daǵdarys jaǵdaılaryndaǵy basqarý basqarmasynyń jedel kezekshisine kelip tústi. Sol boıynsha jedel-qutqarý jasaǵynyń mamandary sýǵa batyp ketken jasóspirimdi izdestýri sharalaryn júrgizdi», - dedi jedel-qutqarý jasaǵynyń basshysy Baqyt Embergenov.

Jasóspirimniń múrdesi oqıǵa oryn alǵan jerden eki shaqyrymdaı qashyqtyqtan tabyldy.

Oblystyq tótenshe jaǵdaılar salasynyń mamandary ata-analardyń balalardy baqylaýsyz qaldyrmaý qajettigin aıtady. Jyl basynan beri toǵyz bala osyndaı tótenshe jaǵdaıdan qaıtys boldy. Jalpy, bıyl Qyzylorda oblysynda jyl basynan beri 22 adam sýǵa ketti.