Qyzylordada sýǵa ketken 11 jastaǵy ul balanyń denesi tabyldy
QYZYLORDA. QazAqparat - Qyzylorda qalasynda Syrdarııaǵa sýǵa batyp ketken 11 jastaǵy ul balanyń denesi tabyldy, dep habarlaıdy QazAqparat tilshisi.
Qaıǵyly oqıǵa 5 tamyzda jergilikti ýaqytpen keshki saǵat 17.00 shamasynda tirkeldi. Oblys ortalyǵy aýmaǵynan ótetin darııanyń sol jaǵalaýyna shomylǵan 2009 jylǵy ul bala sýǵa ketken.
«Oblystyq tótenshe jaǵdaılar departamenti mamandary jedel izdestirý jumystaryn júrgizdi. Nátıjesinde balanyń denesi jaǵaǵa shyǵaryldy. Oǵan departamenttiń 7 qyzmetkeri men 3 tehnıka qatysty», - dep málim etti Qyzylorda oblystyq tótenshe jaǵdaılar departamenti órt sóndirý jáne avarııalyq-qutqarý jumystary qyzmetiniń ókilderi.
