Qyzylordada sýǵa batyp ketken elordalyq jasóspirimniń denesi tabyldy
Oqıǵa 6 maýsymda Qarmaqshy aýdanyndaǵy Qorqyt ata kesenesi tusyndaǵy darııa aýmaǵynda tirkelgen.
Málim bolǵanyndaı, jasóspirim anasymen birge Nur-Sultan qalasynan ekskýrsııalyq saparmen júrgen. Anasy kesene basynda belgisiz sebeppen balany joǵaltyp alǵan. Keıinnen jasóspirimniń darııaǵa batyp ketkeni anyqtaldy.
«Іzdestirý jumystary 6 maýsymda saǵat 15.20-da bastaldy. Alǵashqy kúngi izdestirý sharalary nátıje bergen joq. Ol sol kúni keshkisin ýaqytsha toqtatylyp, kelesi kúnderi qaıta jalǵasty. Qutqarýshylar balanyń denesin búgin, 8 maýsymda 7.50-de sýǵa túsken jerinen 10 shaqyrymdaı qashyqtyqtan tapty», - dedi Qyzylorda oblystyq tótenshe jaǵdaılar departamenti órt sóndirý jáne avarııalyq-qutqarý jumystary qyzmetiniń baspasóz hatshysy Álııa Erejepova.
Osyǵan deıin ekskýrsııa jasaý maqsatymen qyzylordaǵa kelgen jasóspirimniń sýǵa batyp ketkenin jazǵan bolatynbyz.
