Qyzylordada sýǵa batyp ketken eki jigittiń máıiti tabyldy
QYZYLORDA. QazAqparat - Qyzylorda qalasynda sýǵa batyp ketken eki jigittiń máıiti tabyldy, dep habarlaıdy QazAqparat tilshisi.
Esterińizge sala ketelik, oqıǵa keshe elorda ýaqytymen 22.10 shamasynda tirkeldi.
Oblys ortalyǵyndaǵy «PMK-29» saıajaı aýmaǵyndaǵy Qalǵandarııa kólinde eki jigit ruqsat etilmegen aýmaqta sýǵa shomylǵan. Túngi ýaqyttaǵy izdestirý sharasyna oblystyq Tótenshe jaǵdaılar departamentinen 22 maman jumyldyrylyp, 5 tehnıka men 3 qaıyq paıdalanyldy. Oqıǵa ornyna oblystyq Polıtsııa departamentiniń mamandary da keldi.
«Іzdestirý 2.00 shamasynda toqtatylyp, ol tańǵy 6.00 shamasynda qaıta jalǵasty. Nátıjesinde 8.40-ta 23 jastaǵy jigittiń máıiti tabylsa, 9.24-te 22 jastaǵy jigittiń jansyz denesi jaǵaǵa shyǵaryldy. Olardyń máıiti jaǵadan 30 metrdeı qashyqtyqta 3 metr tereńdikten tabyldy», - dep málim etti Qyzylorda oblystyq Tótenshe jaǵdaılar departamenti órt sóndirý jáne avarııalyq-qutqarý jumystary qyzmetiniń ókilderi.
Jyl basynan beri Qyzylorda oblysynda 20 adam sýǵa ketti. Onyń 8-i – bala.
