Qyzylordada sýǵa batyp bara jatqan adam qutqaryldy

QYZYLORDA. QazAqparat - Qyzylorda oblysynda qutqarýshylar kólde sýǵa batyp bara jatqan adamnyń ómirin saqtap qaldy, dep habarlaıdy QazAqparat tilshisi.

Oqys oqıǵa búgin, 26 shildede jergilikti saǵat 19.00 shamasynda boldy. Aral aýdany aýmaǵynda jatqan Aqqumshyq kólinde qutqarýshylar sýǵa batyp bara jatqan 1969 jylǵy azamatty aman alyp qaldy.

«Ol sýǵa túskennen keıin jaǵalaýǵa jete almaǵan. Qutqarýshylar der kezinde ony jaǵalaýǵa shyǵardy», - dep málim etti oblystyq tótenshe jaǵdaılar departamenti órt sóndirý jáne avarııalyq qutqarý jumystary qyzmetiniń mamany Álııa Erejepova.

Eske sala ketsek, budan buryn Aral teńizine batyp ketken er adamnyń denesi tabylǵan edi.