Qyzylordada sýdaǵy qaýipsizdik sharalary túsindirildi
Bıyl oblys ortalyǵynda sý aıdyndarynda, Syrdarııa ózeniniń boıynda azamattardyń túrli sebeptermen sýǵa ketýi deregi kóbeıgen. Jyl basynan beri qala aýmaǵyndaǵy sý aıdyndarynda 6 adam qaza boldy. Onyń ishinde 2-i bala. Oqys oqıǵalardyń barlyǵy sýǵa túsýge ruqsat etilmegen aýmaqtarda tirkelgen.
«Qazir Syrdarııa ózeniniń qaýipti sanalatyn aımaqtary men basqa da sý aıdyndarynda sýǵa shomylýshylardyń qaýipsizdigin qamtamasyz etý baǵytynda reıd jumystary júrgizilýde. Oǵan qala ákimdigi, tótenshe jaǵdaılar jáne polıtsııa basqarmalary qyzmetkerleri,eriktiler, qoǵamdyq jáne basqa da uıymdar músheleri tartylǵan. Reıd jumystary barysynda azamattarǵa 500-den astam únparaq taratyldy. Adamdar kóp shoǵyrlanatyn oryndarda arnaıy jabdyqtalǵan ÝAZ avtokóliginiń daýys kúsheıtkish qurylǵysy arqyly 74 habarlandyrý jumystary júrgizildi», - dep málim etti Qyzylorda qalasynyń ákimdigi.
Quzyrly sala mamandary oqys oqıǵalardy boldyrmaý jáne aldyn alý maqsatynda qala turǵyndary men qonaqtaryn qaýipsizdik sharalary men erejelerdi qatań saqtaýǵa shaqyrady. Sondaı-aq balalar men jasóspirimderdi baqylaýsyz qaldyrmaýdy esterińizge salady.
Sondaı-aq, Qyzylorda qalasynda karantın talaptaryn saqtamaǵan kásipkerler jaýapkershilikke tartyldy.