Qyzylordada sý tasqynynyń aldyn alýǵa arnalǵan jattyǵýlar júrgizildi
QYZYLORDA. 16 naýryz. QazAqparat /Jańagúl Serdaly/ - Qyzylordadaǵy №101 orta mektepte sý tasqyny qaýpi týyndaǵan kezeńdegi daıyndyq sharalary pysyqtaldy,
dep habarlaıdy TJD baspasóz qyzmetiniń bas mamany, órtke qarsy qyzmet kapıtany Aıgúl Nurmanova.
Ondaǵy maqsat daıyndyq sharalaryn tolyqtyrý boldy. Jattyǵý barysynda mektep ishinde 6 túrli kabınet uıymdastyrylǵany anyqtaldy. Atap aıtqanda, medıtsınalyq pýnkt, ana men bala kabıneti, qoǵamdyq tártip saqtaý kabıneti, kútý zaly, ashana orny daıyndyq sapyna qoıylǵan. Jalpy ótkizilgen is-sharaǵa 16 mektep muǵalimi, ishki ister organdary qyzmetkerleri, jol polıtsııasy qyzmetkerleri, emhana dárigerleri, qala ákimdigi men tótenshe jaǵdaılar departamentiniń mamandary qatysty.
«Tehnıkaǵa kelsek, qala ákimshiligi tarapynan uıymdastyrylǵan 16 avtobýs pen 9 júk kóligi osy maqsatqa jumyldyrylýǵa daıyn», - deıdi qabyldaý jáne jóneltý pýnktiniń bastyǵy, mekteptiń alǵashqy áskerı daıyndyq jáne deneshynyqtyrý pániniń muǵalimi Dosjan Nesipbaev. Mektep dırektory Láılá Qojanııazovanyń aıtýynsha, sý tasqyny kezinde ne isteý kerektigi jóninde maǵulmatty keńinen túsindirý maqsatynda ákimshilik tarapynan berilgen arnaıy dıskilerdi kórsete otyryp, arnaıy saǵattar uıymdastyrǵan. Osy sharalar barysyn Qyzylorda oblysy tótenshe jaǵdaılar departamenti Azamattyq qorǵanys basqarmasynyń bastyǵy polkovnık Sanjar Asfandııarov qorytyndylap, oǵan óz dárejesinde ótti, degen baǵa berdi.
