Qyzylordada sý ortasynda qalǵan 402 bas qoı-eshki tikushaqpen qutqaryldy
QYZYLORDA. QazAqparat - Taıaýda Qarmaqshy aýdany Abyla eldi mekeninde Syrdarııa ózeni tasýy saldarynan qystaýda 449 bas ýaq mal sý ortasynda qalyp qoıǵan, onyń ishinde Abyla eldi mekenine qarasty 28 bas ýaq mal ólip qalǵany málim boldy, - dep habarlady QazAqparat HAA tilshisi oblystyq TJD-ge silteme jasap.
Abyla eldi mekenindegi maldardy qaýipsiz jerlerge kóshirýge ekıpaj quramynda 5 adamy bar MI-171 tikushaǵy ushty. Tótenshe jaǵdaıǵa departamenttiń qyzmetkerleri men tehnıkalary jumyldyryldy. Buǵan qosa Abyla eldi mekeniniń turǵyndarynan 80 adamnyń kúshimen 402 bas ýaq mal Qarmaqshy aýdany Abyla eldi mekenine qaýipsiz jerge kóshirildi. Ýaq maldy kóshirý jumysyna barlyǵy: 173 adam 22 birlik tehnıkasymen atsalysty. 
