Qyzylordada sý qubyrlarynyń 70 paıyzy jańartyldy
Qazirgi tańda Qyzylorda qalasynda qala turǵyndaryna sapaly da jaıly jaǵdaı jasaý úshin tozyǵy jetken ınjenerlik jelilerdi qaıta jańǵyrtý qarqyndy júrgizilýde. Osynyń nátıjesinde qala halqy taza jer asty sýlaryn tutynýda.
Bıyl «Nurly jol» baǵdarlamasy arqyly 13 joba boıynsha respýblıkalyq bıýdjetten bólingen 1 mlrd 584 mln teńgege 10 shaqyrym aýyz sý jáne 7 shaqyrym káriz sý qubyrlary qaıta jańǵyrtýdan ótkizilip jatyr.
Sondaı-aq, qalaǵa qarasty eldi mekenderde aýyz sý júıelerin júrgizýge 8 joba boıynsha respýblıkalyq, oblystyq bıýdjetten 1 mlrd 34,8 mln teńge bólinip, ol 74,5 shaqyrym aýyz sý, 2 dana sý jınaý qoımasynyń qurylysyna jumsalady.
Jyl saıynǵy júıeli jumystardyń nátıjesinde qalaishilik sý qubyrlarynyń 70 paıyzy tolyq jańartyldy. Bul baǵytta 16 mlrd teńgeden astam qarjy tartylǵan.
