Qyzylordada sý qorlarynda qaıǵyly jaǵdaılardyń aldyn alý úshin reıd uıymdastyryldy
QYZYLORDA. 28 mamyr. QazAqparat - Qyzylordada sý qorlarynda qaıǵyly jaǵdaılardyń aldyn alý úshin Qyzylorda oblysy TJD «Sýda qutqarý qyzmeti» MM oblystaǵy sý qorlarynda kólik ınspektsııasy ókilderimen birigip, qala aýmaǵynda reıd uıymdastyrdy.
Júzý quraldaryn tirkeýdi tekserý jáne qutqarý quraldarynyń bolýyn qadaǵalaý maqsatyndaǵy is-sharada adam tasymaldaıtyn tórt qaıyq zańsyz jumys jasaýda dep tabyldy. Sonymen qatar reıd barysynda onyń júzýge ruqsat beretin tıisti qujattarynyń joq ekeni de anyqtaldy. Nátıjesinde quzyrly organdar tarapynan aıyppul salyndy.
