Qyzylordada sońǵy táýlikte tórt oqýshy koronavırýs juqtyrdy
Qazir oblysta qaterli dertke shaldyqqan 3500 adam esepke alynǵan. Onyń ishinde 14 jasqa deıingi balalar sany - 227.
Sońǵy táýlikte 7 adamnan koronavırýs anyqtaldy. Onyń 6-ýy Qyzylorda qalasynda turatyn bolsa, 1-ýi Jalaǵash aýdanynan anyqtalǵan. Olardyń 4-ýi mektep oqýshysy bolyp otyr.
«PTR taldaýlary 5 patsıentten koronavırýs juqtyrǵan adamdarmen qarym-qatynasta bolýy sebepti alynsa, 2 naýqastan profılaktıkalyq maqsatta alynǵan. Bir naýqasta koronavırýs ınfektsııasynyń klınıkalyq belgileri baıqalsa, qalǵan patsıentterde koronavırýs ınfektsııasynyń sımptomsyz túri anyqtaldy», - dedi Qyzylorda oblysy sanıtarııalyq-epıdemıologııalyq baqylaý departamentiniń baspasóz qyzmeti.
Vedomstvonyń málimetinshe, naýqastarmen qarym-qatynasta bolǵan adamdar medıtsınalyq baqylaýǵa alynǵan. Profılaktıkalyq jáne epıdemııaǵa qarsy sharalar júrgizilýde.
Aıta keteıik, Qyzylordada naýqastardyń basym bóligi KVI-di qarym-qatynas arqyly juqtyrǵan.