Qyzylordada sońǵy on kúnde úsh oqýshy koronavırýs juqtyrǵan
Esterińizge sala ketelik, qazirge deıin oblysta koronavırýs ınfektsııasyn juqtyrýdyń 3 301 jaǵdaıy tirkelgen. Onyń ishinde 194 balanyń jasy 14-ke deıin bolsa, 15-19 jas aralyǵyndaǵy 57 jasóspirim bar.
«Bıylǵy jyldyń qyrkúıek aıynan bastap oblys boıynsha 11 oqýshy koronavıýs ınfektsııasyn juqtyrdy. Atap aıtqanda, 3 oqýshydan aýrýhanaǵa jatar aldyndaǵy tekserý kezinde anyqtalsa, 8 oqýshy koronavırýs ınfektsııasymen aýyrǵan adamdardan juqtyryp alǵan. Oqýshylardyń barlyǵy qashyqtan bilim alady. Mektepke qatynap oqıtyn oqýshylar arasynda qaterli dert juqtyrǵandar joq», - dedi Qyzylorda oblysy sanıtarlyq-epıdemıologııalyq baqylaý departamentiniń baspasóz hatshysy Aıman Janahaeva.
Departament mamandary ata-analar balalardyń eresektermen birdeı deńgeıde saqtyq sharalary men áleýmettik oqshaýlaý erejesin saqtaýyna basa nazar aýdarý qajettigin aıtady.
Bıylǵy oqý jylynyń ekinshi toqsanynda oblystaǵy 121 mektepte 19 314 oqýshy dástúrli formatta bilim alsa, 179 mekteptiń 117 190 oqýshysy qashyqtan oqyp jatyr.