Qyzylordada sońǵy qońyraýǵa 137 myńdaı túlek qatysady
QYZYLORDA. QazAqparat - Erteń Qyzylorda oblysynda 298 mektepte sońǵy qońyraý soǵylady. Saltanatty sharaǵa 136 991 oqýshy qatyspaq.
Osynaý jaýapty sátke bıylǵy túlektermen qatar ustazdar qaýymy, ata-analar jan-jaqty daıyndalýda.
Qyzylorda oblysynda bilim sapasyn jaqsartýǵa barlyq jaǵdaı jasalǵan. Máselen, Qyzylorda oblysy jan basyna shaqqanda bilim salasyna qarjy bólýden respýblıkada kósh bastap tur.
Ótken oqý jylynda mektep bitirýshilerdiń 93,6 paıyzy ózderi qalaǵan mamandyqtary boıynsha oqýǵa túsken. Sondaı-aq, 321 qyzylordalyq Reseı Úkimetiniń granty esebinen Máskeý men Sankt-Peterborda maqtaýly oqý oryndarynda bilim alýda. Bıyl taǵy 250 grant bólinedi.
Jalpy, bıyl 6 566 oqýshy mektep bitiredi. Onyń 4 559-y, ıaǵnı 69,5 paıyzy UBT tapsyrýǵa nıet bildirip otyr. Synaq tapsyratyndardyń basym bóligi jaratylystaný-matematıka baǵytyn tańdaýda. Túlekterdiń 352-si «Altyn belgige», 135-i «Úzdik attestatqa» úmitker.
