Qyzylordada sońǵy aptada koronavırýs juqtyrǵan adamdar sany artty
QYZYLORDA. QazAqparat - Qyzylorda oblysynda sońǵy aptada 66 adam koronavırýs juqtyrdy, dep habarlaıdy QazAqparat tilshisi.
Búginge deıin óńirde qaterli indetke shaldyqqan 4007 adam tirkelgen. Olardyń ishinde 3890 naýqas dertinen jazylyp shyqty.
Qazir óńir epıdahýal boıynsha jasyl aımaqta tur. Degenmen, sońǵy aptada oblysta ony juqtyrý deregi kóbeıe túsken. Ásirese, meıram kúnderinen keıin koronavırýs ınfektsııasyn juqtyrǵan turǵyndar sany artqan.
«Ótken táýliktiń ózinde 13 adamǵa osyndaı dıagnoz qoıyldy. Onyń ishinde 7-i Qyzylorda qalasynda turatyn bolsa, aýdandar boıynsha Jańaqorǵanda - 4, Jalaǵash pen Aralda - bir-bir jaǵdaıdan tirkeldi. Olardyń ishinde 7-i sımptomsyz bolsa, qalǵanynda aýrý belgileri baıqalǵan», - dep málim etti Qyzylorda oblysy sanıtarlyq-epıdemıologııalyq baqylaý departamentiniń baspasóz hatshysy Aıman Janahaeva.
Aıta keteıik, Qyzylordada oqýshylar tórtinshi toqsanda dástúrli formatta oqıdy.
