Qyzylordada soǵys ardagerlerine beriletin kómek kólemi ulǵaıtylady

QYZYLORDA. QazAqparat - Jeńis kúnine oraı Qyzylorda oblysynda soǵys ardagerlerine birjolǵy aqshalaı kómek kólemin arttyrý týraly sheshim qabyldandy, dep habarlaıdy QazAqparat.

Oblys ákiminiń baspasóz qyzmetiniń habarlaýynsha, mamyr aıynda oblystaǵy soǵys ardagerleri 303 myń teńge aldy. Al sáýir aıynda ardagerlerge 202 myń teńgeden berilgen edi.

«Qosymsha oblystyq bıýdjetten 303 myń teńgeden materıaldyq kómek tólenetin boldy. Osylaısha Jeńis merekesine oraı soǵys ardagerlerine jalpy 505 myń teńge mólsherinde birjolǵy materıaldyq kómek kórsetiledi. Qosymsha áleýmettik kómek mamyr aıynda ardagerlerdiń jeke shotyna tolyǵymen aýdarylady. Ardagerler qatary jyldan jylǵa azaıyp keledi, olarǵa qýanysh syılap, búgingi beıbit ómirimiz úshin alǵys aıtqymyz keledi», - dedi Qyzylorda oblysynyń jumyspen qamtýdy úılestirý jáne áleýmettik baǵdarlamalar basqarmasy basshysynyń orynbasary Altynkúl Esqaraeva.

Mamyr aıynyń birinshi onkúndigi óńirde Jeńis merekesine arnalǵan kórmeler, kontsertter, ardagerlermen kezdesýler ótýde. 7 mamyrda oblys ortalyǵynda Jeńis kúni men Otan qorǵaýshylar kúnine arnalǵan merekelik shara jáne ardagerlerdi saltanatty qabyldaý uıymdastyrylǵan bolatyn.