Qyzylordada shilde aıynda aýa temperatýrasy normadan joǵary bolyp tur

QYZYLORDA. QazAqparat – Qyzylorda oblysynda shilde aıynda ortasha aılyq aýa temperatýrasy normadan 1 gradýsqa joǵary bolyp tur. Ol shamamen 27,9-30,3 gradýsty mańaılaıdy, dep habarlaıdy QazAqparat tilshisi.

Qazir oblysta qatty ystyq kórinis berip otyr. Kúndizgi aýa temperatýrasy 40-44 gradýs ystyqty kórsetedi.

«Shilde aıynda óńirde ortasha aılyq aýa temperatýrasy 27,9-30,3 gradýsty mańaılap tur. Ol normadan 1 gradýsqa joǵary. Jaýyn-shashynnyń aılyq mólsheri oblystyń basym bóliginde normadan az bolady dep boljanǵan. Ol norma boıynsha 3-8 mm bolýy tıis. Qazir oblysta qatty ystyq kórinis berip otyr. Kúndizgi aýa temperatýrasy 40-44 gradýs ystyqty kórsetti. Endi 27-28 shilde kúnderi aýa temperatýrasy azdap tómendeıdi. Atap aıtqanda, túnde ol 20-25 gradýsty shamalasa, kúndiz 33-38 gradýsqa jetedi», – deıdi «Qazgıdromet» RMK Qyzylorda oblysy boıynsha fılıalynyń bólim basshysy Aıgerim Jókelova.

Sondaı-aq oblystyń soltústiginde, ortalyǵynda azdaǵan jańbyr, naızaǵaı, shańdy daýyl men ekpindi jel bolýy múmkin. Keıin aýa temperatýrasy qaıtadan joǵarylap, synap baǵanasy 44 gradýs qatty ystyqqa jetedi.

«Al tamyz aıynda ortasha aılyq temperatýra norma shamasynda bolady. Degenmen jaýyn-shashyn mólsheri normadan az túsedi. Al oblystyń batysynda ol óz mólsherinde jaýady dep boljandy», - dep sózin tolyqtyrdy ol.

Eske salsaq, budan buryn Qyzylorda oblysynda qoı baǵyp júrgen azamat kanalǵa batyp ketti.